Улады ліквідуюць установу развіцця традыцыйнага бортніцтва «Братэрства босых бортнікаў», паведамляе праваабарончы цэнтр Вясна.
Бортніцтва — найбольш старадаўні від промыслаў. На Гомельшчыне да сёння захавалася лясное пчалярства, заснаванае на ўтрыманні пчол у штучных дуплах — борцях. Установа «Братэрства босых бортнікаў» займаецца папулярызацыяй традыцыйнага бортніцтва і забеспячэннем пераемнасці нацыянальнай аўтэнтычнай бортнай традыцыі.
Дзякуючы дзейнасці гэтай установы і польскай арганізацыі «Bractwo Bartne» ў 2020 годзе ў рэпрэзентатыўны спіс нематэрыяльнай культурнай спадчыны UNESCO унесена беларускае і польскае бортніцтва. На працягу некалькіх год дзве арганізацыі даследавалі старадаўні промысел на тэрыторыі Польшчы і Беларусі.
Флагшток